Óóvërlést wààr ëk óp bëzuuk bé Veerlë vur 'n artie'ëlkë vur ien dë gëzét. Gë ként zë mësschien wöl. Zë ka gëwéldëg zingën en zë duu veul óptreedës as ër ien Lómmël iets të duun is. Dër zén dër veul die dè't weetën, dër zén dër ók veul die dè't NIE weetën, mè Veerlën is zot van biejën. Ien die mauwëtë dè zë'r al jauwërë zèllëf ien hurrën hof hi zittën. 't Is zógëzeed nën imkër, of zówas wij in Lómmël zààn zéggën: nëm biejboewër, of ien dittë gëval 'n biejboerin.

Ik ha al wa schrik um ër hénnën të gòn. Van 'm biej'ën dè zówa rónd mé kumt vliegën hém ëk génnë schrik, mè as zë ien jénnë keejër mi hóndërd of zóuwë dor zén, dan pies ëk gëgarandeejërd ien mën bóks.

Nö bleek dè'k génnë schrik moes hémmën, want dees jauwër ha zë gén biejë mir zittën umdè zë vurrëgë zóómër në nést Aziejààtissë hórnèèrs ien hur grààsj ha gëhad, en die frauwëtën hur biejën allëmòl óp. Gréllëg. Jè, 't is dë natuujër, mè 'k vón dè toch zielëg, want óp zën èègë zén biej'ës wöl simpatie'ë bjéskës.

Pijnlëk ók vur Veerlë, want nö kón zë hur èègë vurlóópëg nie beezighààwë mi dë biejën en dus weejërëw'óóvër dè theema gààw ötgëpròt, want ëk mèrrëktën dèssë nog ien ë sórt va rààwprócès zat.

Van dën andërë kàànt hà'k mën èègë wöl wa vurbëreid óp dè óndërwèrrëp, want èègëlëk wies ëkik vuraf nie zóveul óóvër biejën. Ik gòn ët dan mè teegën ölliej vërtéllën, want andërs is dè ók wöl zun va ménnë riesöörtsj ("research", óp zën Éngëls). Hiejër gònnëw:

- mi jénnë leepël hóning (dër zén ók Lómmëlèèrs die dor "hoening" teegë zéggën) kundë në miens 24 uujër ien lèèvën hààwën

- ien hóning zit 'n stof die dë hèrsës höllëpt um bèètër të fungsjóneejërën (lópt nöö gààw na dë wing'ël!)

- biejën hémmën al miensë van dë hóngërdóuwëd gëréd ien Afrieka

- biejë próduuceejërën ók 'propolis', dè is eejën van dë béstë natuurlë'ë antiebiejóótieka

- hóning kundë alté béhààwën, dè weujërdt nie slèècht

- 'n biej lèèft nog gén 40 dààg, óp diejën tijd bëzuukt zë 1.000 bluumkës en zörrëgt zë óngëveejër vur 'n theeleepëlkën hóning

En wittë wordè dën tèrrëm "honeymoon" va vrötkumt? Dër zén veul théjóriejën óóvër, zallë, mèr ik vijn dën deezë dë schònstën: dë jéstë wèè'ën nàà dën trouw dróng'ë koppëls in dë Middëleejëwë sààmën hóningwijn umdèèn zë dóchtën dè ër dan rappër kinnë'ës zààn kommën. Nie umdè zë'r zat va wóuwërën, mèr umdèèn zë dóchtën dè hóning goe was vur dë "vruchtbaarheid". Dè deen zë óngëveejër jénnë mauwëncyclus lang, dus óngëveejër dèrtig dààg. Van dor dus "honeymoon", diejë zë teegëworrig alleejën nog gëbrui'ën um dë reis nàà dën trouw èn të duidën. Vwalla, dan wittë dè ók wir.

Nöö moet ëk ienjéns déng'ën èn Ron Brandsteder, gë wit wöl, diejë groewëtën, alté zweejëtëndë prizzëntààtor óp dën Hóllandsën tillëvieziej, mi zén Honeymoonquiz va vruugër. Dor kee'ëkik al hénnën as klèè mènnë'ën. Ik vón dè në simpatie'ën en gëzèllëgë gààst. Spijtëg gënoeg is diejë miens nën tijd gëleejë kommën të gòn.

Awöl, ik gón nöö ok, mèr ëk zén wöl va plan um nog wa vröt të lèèvën as't za kunnën, um nog wa téksjës vur ulliej të schrijvën. Bé lèèvën en wölzén, tot dan!

Danny VANDENBERK