> ## Content Index
> Fetch the complete content index at: https://www.delommelsegazet.be/llms.txt
> Use this file to discover other available public pages before exploring further.

# Van di'ëm bic na gëspiejërdë styló
- URL: https://www.delommelsegazet.be/van-diem-bic-na-gespiejerde-stylo/
- Published: 2026-11-16T05:52:00.000Z
- Updated: 2026-11-16T05:51:59.000Z
- Author: Danny Vandenberk
- Tags: Prauwët van Danny, Recent nieuws uit Lommel

Sins ë jauwër of tweejë gòn ik riggëlmauwëtig fitnëssën. Niks mi gëwiechtën of zóuwë zallë, want dör weujërdt në miens gëspiejërd en breejëd van en dè pést nie bé mén iemààgó van gëspiejërdë styló. Mèjè, ë pauwër jauwër gëleejë bëgós ëk meejër en meejër óp nën di'ëm Bic të lij'ën en dör vuuldën ëk mén èègën ók nie goe bé. Óndërtussë zén ëk toch al èttëlë'ë kieló's kwijt dur vóllëmbak të fietsën, dzjoggën en wandëlën.

Èègëlëk di ëk dè vruugër ók al avvëntoe, buitën óp strauwët dan, mèr ëk moes èn mén èègën toegèèvën dè'k alté wöl reejë vón um nie të moetë gòn. Ofwöl rèègëndën't, ofwöl was't të kààw, ofwöl të wèrrëm, ofwöl vòn ëk gén pómp um mén bààn óp të pómpën (dè duu mé ërèn déng'ën dè'k ók wöl ës gëspiejërdë fietspómp gënoemd wèjjër), ofwöl wérrëktë mén bél niej of ha'k ë klèè griepkën of ë vèllingskën ... Eejëndër wa.

Teegëworrig hém ëk dè nie mir. Ik gòn gèèrën. Toch zee'ër në keejër of tweejë për wèèk. Fietsën óp zó sórt hóómtrééjnër of spinningfiets en stappën of dzjoggën óp dë lóópbàànd. Tén jëstën is dè allëmòl veulë veiligër ('t is bëvurbeejëld nóuwët glad of zóuwë en gë moet öw eevëwiecht niej alté hààwën as gë fietst, dus vallën is min of meejër ötgëslóuwëtën).

Békommënd vurdeejël is dè gë wa óndër't vollëk komt, dè mótieveejërt. Déngt nö niej dè'k dör hénnë gòn um wa të stòn zeejëvërën of sèmmëlë mi jan en allëman. Neejë, ik gòn ien dë jéstë plak um mén èègën af të beulën. As ëk iets duun, dan duun ëk ët tëgoei. Ààchtëraf zén ëk dan zààlig muuj en vóldòn. Dë geuft ë goej gëvuul.

Prauwëtën duun ëk óp 'n andër al gënoeg, dus dë meejëstë miensën dè'k gëreegëld teegëkom óp dë fitnëss kén ëk gëwóuwën va ziens. Nààmë kén ëk niej of ónthààw ëk niej, dus gèèf ëk die allëmòl nëm bénààm. Dè's lollig um të zuuj'ën en ààchtëraf hènnigër um të rappëleejërën.

Zóuwë hémmëw óndër andërë "Tómattëkop" (gë hét van die miensë die nie kunnë zweejëtën, mèr die ien dë plak zó róuwëd wèjjërën as 'n tómat, kan ók ëm bloeddrukpróbleem zén), "dë zottin" (die trént gëlék në zot en die is ër alté, vollëgës mé hi die dör hurrën dómisiel stòn), "dë vétzak" (diejën is nie dik, mè diejë zit alté heejël ópvallënd óp jóng mèskës të gèèlóógën), "Faroek" (nën Turk diejën hèrd óp Faroek Özgünes trékt, sóms déng'k dè't dën èchtën is), "Fadiga" (nën afgëtréndën dóng'ërë meedëmiens diejë mé èn Fadiga, dë vruugërë voetballër va Lómmël SK, duu déng'ën, 'k weet dè't nie wóuwk is, mè vur mé tré'ën die mannën al rap ópeejën), "Tammën Hèèn" (diejë zit alté mè wa èèvëveulèchtig na buitën të gààpën en diejën duu èègëlëk génnë klop) en "Binnëfrèttër" (diejë knààwt dë gansën tijd op iets, tot nö toe weet ëk nog alté niej óp wa, diejë pròt cónstant teegë zén èègën en avvëntoe schiet ie dan kèèjhèrd ien dë lach) en nog vërschèèjë andër. Të veul um óp të noemën.

As ëk ër zó ës èvvë'ës óóvër nààdéngk, zén ëkik nog wijdhénnë dë fatsoenlëkstë van hééjël dë bèn. Alhoewöl, godwit wèllë'ëm bénààm dè zë vur mé bëdócht hémmën! Och, zë duun mè. Deezë gëspiejërdë styló gi nog wa schrijvën.

***Danny VANDENBERK***